hei日常食評3-蘇媽蘇媽

蘇媽蘇媽一向喺長期人龍食店,主打馬來西亞菜式,除咗係深水埗同荃灣開分店之外,近期仲係旺角上海街開分店,舖位更有逾千呎。由旺角站C出口行去餐室都只係2-3分鐘左右,非常方便. 餐單內食物種類繁多,大致分為肉骨茶類﹑湯麵類(喇沙﹑咖哩麵)﹑椰漿飯類﹑小食類及飲品類 .

蘇媽 ﹒蘇媽分店:

1: 荃灣大壩街63-65號地舖
2: 銅鑼灣謝斐道483-499號新城大廈地舖
3: 荃灣大壩街71號地舖
4: 旺角上海街618號地下G01號舖
5: 深水埗基隆街251號地下

今次嚟到 「蘇媽蘇媽」食咗四款不同類型嘅人氣食物,有肉骨茶,咖央多士,同店內嘅特色飲品。

第一樣介紹嘅係佢甜品類別嘅飲品「美祿恐龍」。呢款飲品用玻璃杯裝有已經沖好的美祿,然後再慷慨地在杯頂灑上大量的美祿粉,不過冰放得不夠多,不能令杯飲品降溫,令到飲品一半熱一半凍,口感不佳。(6分/10分)

第二樣介紹嘅係椰香咖央多士,呢款產品係呢間店鋪嘅名物,就好似澳門嘅豬扒包咁,店鋪內大部份嘅顧客都有叫嚟食。咖央多士內嘅咖央醬落得非常重手,有濃烈嘅椰香味,多士亦烘得非常脆口,滿分! (10分/10分)!!!

第三樣介紹嘅係海南鴛鴦燒麵包 ,於餐單內同時有兩款多士 ,另一款為咖央多士。鴛鴦燒麵包上碟後,是咖啡多士夾住咖央醬及鮮牛油。食落去的時候咖央味會更強。多士仍然保持脆口的感覺,同時牛油因為咖央醬保護,出面麵包嘅熱力唔會即刻溶解牛油,令到味道更上一層樓。(8分/10分)

最後介紹嘅係呢間店鋪嘅招牌菜「肉骨茶」。當你點菜嘅菜單有肉骨茶嘅話,店員就會即刻喺柱邊拎起預熱既肉骨茶水壺,奉上每人1碗肉骨茶湯俾你享用。熱辣辣嘅肉骨茶藥材味唔算太濃。肉骨茶內有3條一字骨﹑6-8件豆卜﹑以及1小札嘅金菇。一字骨唔算煮得太淋,所以食個陣仍然有肉味,熱辣辣嘅肉骨茶真係好開胃,強烈推薦!(8.5分/10分)

總括而言,店鋪內嘅菜式價錢亦不是太昂貴,菜式味道亦非常正宗,喜歡吃星馬泰菜的人一定要來嘗試。

站長示:非贊助文

發佈留言