hei日常食評2-麵尊

大家好,今日為大家介紹嘅係「麵尊」。「麵尊」喺一間已經有9年歷史嘅餐廳,創始店位於上環,另一間分店位於銅鑼灣旺區,時代廣場附近。除咗售賣各式車仔麵外,亦有多款特色醬料供顧客選購。

麵尊地址:

1: 銅鑼灣登龍街18號V Point地下5號舖
2: 上環蘇杭街22-24號1號舖

今次嚟到麵尊,除咗試咗佢幾款唔同嘅餸菜外,仲試咗佢著名嘅特色小食。

首先要介紹嘅係佢嘅小食淨豬頸肉,軟腍香滑嘅豬頸肉用爽脆嘅生菜鋪墊住,再淋上香甜嘅瑞士汁,回味無窮,值得一試。

跟著介紹嘅炸魚皮係另一個港式經典,香脆可口,亦非常大件,將炸魚皮放入湯入面,吸盡湯汁精華 ,又是另一個境界

跟著介紹嘅係佢哋嘅手沖飲品:蜂蜜蘋果茶。蜂蜜味不算太濃,整杯飲品嘅味道主要被蘋果汁覆蓋。

最後介紹嘅係佢嘅各款餸菜,車仔麵最吸引人嘅係有有好多款餸俾你選擇,呢度嘅餸炆得夠入味。

魚蛋:呢度嘅魚蛋口感比較實,雖然沒有陳皮魚蛋嘅香味,但係勝在夠彈牙。

豬大腸:呢度嘅豬大腸最值得讚嘅係洗得好乾淨,沒有多餘嘅排泄物痴係大腸上面,質感軟滑。

五香牛腩:牛腩沒有多餘嘅筋位,口感非常淰,牛味足,質感偏向瘦。

蘿蔔:蘿蔔清甜無渣,汶得非常入味。

豬皮:去毛去得非常乾淨,質感較厚身,非常彈牙。

蠔油冬菇:冬菇口感非常厚身,蠔油汶得非常入味,菇味足!

豬紅: 味道不腥臭,口感較實,不像坊間用不同動物的血來造成,及混合大量的粉令到口感異常軟。

麵尊嘅碗更加係用上「雞公碗」,雞公碗歷史悠久,見證著傳統文化的演變,時移世逆,市面上一般都很少用到。

總括而言,麵尊是一間性價比很高的餐廳,雖然飲品價錢稍貴,但是食材的品質很好。

站長示:非贊助文

發佈留言